طرق الحماية من الهكر واختراق الاجهزة

[نورسين]

‏.




.. بما ان فى ناس كتيره مش عندها خبره فى الهكر .. فانا هقول شوية طرق للوقايه منه ..
طبعا الهكر واختراق الاجهزه مش بيكون الا عن طريق باتش لازم اقبله واضغط عليه علشان يشتغل ..
والباتش ده بيكون على شكل برنامج ..
او برنامج مدموج فى صوره او فى رابط معين ..
يبقى علشان احمى نفسى ..
اولا:
لما احتاج احمل برنامج معين احمله من الموقع الرسمى زى برامج الياهو مثلا او الانتى فيروس ..
ولو مفيش موقع رسمى ومضطر احمله من اى منتدى .. قبل ما احمل اشوف اللى كاتب الموضوع .. هل هو عضو مشرف مثلا او عضو له مشاركات كتير .. فى الحاله دى يبقى مضمون بنسبه كبيره .. انما لو عضو له مشاركه واحده او لسه مسجل جديد .. ابعد عنه علطول لان ده بيكون عاوز يصطاد ضحايا وبيسجل فى كل منتدى ويحط البرنامج ده ..
ثانيا :
مش اقبل اى ملف من شخص غير موثوق فيه يعنى مش اكون متعرف على واحد النهارده ويقولى جرب البرنامج ده فانا اخده اجربه .. وبرضو للاسف فى ناس بتستغل ثقة الناس فيها وتبعتلها الباتش ده ..
ثالثا :
مش اضغط على رابط مشكوك فيه .. وطبعا الروابط بتبان يعنى تحس انه رابط مش معروف .. زى اللى بيجى على الياهو او مثلا زى بتاع لعبة المزرعه او يحط عنوان جذاب مثلا علشان يشدك وتضغط عليه ..
رابعا :
احط على الجهاز انتى فيروس كويس زى الافيرا او الكاسبر واعمله تحديث باستمرار علشان يقدر يمسك اى باتش ..
خامسا :
ان لو حد بعتلى مثلا صوره وقالى شوف الصوره دى .. اشوف شكل الايقونه ايه .. هل هى ايقونة صوره ولا ايقونة برنامج .. وبرضه لازم يكون موثوق منه لان ممكن يكون البررنامج او باتش الاختراق مدموج فى صوره

ياريت لو تنقلوا الكلام ده للى تعرفوهم علشان الناس تفهم وتقدر تحمى نفسها .. وربنا يستر علينا جميعا .