|
08-08-2012, 09:30 PM
|
#1 |
|
عضو مناهج مصر
تاريخ التسجيل: 28 / 10 / 2011
المشاركات: 0
|
التليفزيون دا فيه إيييه ؟
شوفوا معاي حوار خيالي بيني وبين مسكين ماشي؟ بص كويس إيه دا ؟ جدع دا فعلا رموت كنترول شاطر. طيب ماشي طيب دا إيه ؟ المسكين : دا جهاز غلط. طاااخ دب بتضرب ليه طيب ؟ا أمال يطلع إيه ؟ دا تليفزيون يا .... اللي بعده ::: التليفزيون دا فيه إيه ؟ فيه شاشة غلط طاااااااااخ دب يا راااااااااسي حرام عليك كفاية ضرب أمال فيه إيه طيب ؟ فيه قنوات يا ....... اللي بعده :::::: التليفزيون بيشتغل إزاااااااااي؟ بالكهرباء . غلط طااااااااخ دب بيشتغل بالرموت يا محترم صح اللي بعده :::: التليفزيون دا بيقدم إيه ؟ بيقدم صورة نقية أأأأأأأأأأخ يا ذراعي حرام عليك بيقدم برامج وأفلام ومسلسلات صح؟ طيب الأفلام والمسلسلات دي فيها إيها ؟ فيها ممثلين وممثلات فيها واحد بيحب واحدة وطبعا لا يخلو الأمر من نظرة ولمسة وغزل وتقبيل و و و و . وإنت بتتفرج صح ؟ صح وفيها كليبات بموسيقى وممكن بنات بترقص صح؟ صح وفي البرامج مذيعات آخر مكياج وآخر صيحة و و و وسعادتك طبعا لسة جالس بتتفرج صح الصراحة ؟ صح وطبعا البنات اللي بتتفرج بعضهن نفسها تتحب زي الممثلة مع حبيبها ونفسها تلبس زي لبسها ونفسها تعيش عيشتها صح ؟ ولما بنات حضرتك أو إخواتك أو حتى زوجتك تشوف مناظر لا تصلح إلا لغرف النوم مع الزوجين يكون الحياء هو الضحية صح ؟ صح ؟ ولما يجيءها شاب يريد أن يعيش بما يرضي الله فلا يرضى بتلك الملابس ولا بهذه الحياة يكون رجعي ومتخلف وليس فارس الأحلام المنتظر صح ؟ صح صح صح . ولما سيادتك اتعود على سمع الأغاني في كل مكان . تفرح تسمع أغنية . تعحزن تسمع أغنية . تحب تسمع . تفارق تسمع . طيب موقفتش في مرة وسألت نفسك ليه مسمعتش قرآن؟ ليه محضرتش درس علم ؟ ليه ما جلست مع الصالحين يذكروني بالله ؟ مسألتش نفسك صح ؟ أيوة صح ؟ آآآآه يا عيني . حرام عليك بتضرب ليه ما كنا نسينا الضرب دا وبجاوبك زي ما إنت عايز وبصراحة بتضرب ليه طيب ؟ بسم الله الرحمن الرحيم حَتَّى إِذَا مَا جَاءُوهَا شَهِدَ عَلَيْهِمْ سَمْعُهُمْ وَأَبْصَارُهُمْ وَجُلُودُهُمْ بِمَا كَانُوا يَعْمَلُونَ* وَقَالُوا لِجُلُودِهِمْ لِمَ شَهِدْتُمْ عَلَيْنَا قَالُوا أَنْطَقَنَا اللَّهُ الَّذِي أَنْطَقَ كُلَّ شَيْءٍ وَهُوَ خَلَقَكُمْ أَوَّلَ مَرَّةٍ وَإِلَيْهِ تُرْجَعُونَ : وما كنتم تستترون أن يشهد عليكم سمعكم ولا أبصاركم ولا جلودكم ولكن ظننتم أن الله لا يعلم كثيرا مما تعملون وذلكم ظنكم الذي ظننتم بربكم أرداكم فأصبحتم من الخاسرين فإن يصبروا فالنار مثوى لهم وإن يستعتبوا فما هم من المعتبين وقيضنا لهم قرناء فزينوا لهم ما بين أيديهم وما خلفهم وحق عليهم القول في أمم قد خلت من قبلهم من الجن والإنس إنهم كانوا خاسرين . ياااااااااه كنت عايزني أسيبك لغاية ما تفاجأ إن كل جسمك شهد عليك وربنا يسألك عن كل ما في صحيفتك ساعتها هيبقا موقف صعب أوي ومش هينفعك أصحابك اللي مشجعينك ولا الممثلين إلي كنت بتحبهم وبتتفرج عليهم ولا حاجة خالص صح ؟ صح ؟ طيب يللا يا حبيبي وأخي أنا خايف عليك يللا يا أختي أنا نفسي تكوني فعلا سعيدة يللا يا أخوي قبل ما الأوان يفوت. يللا ارجع لربك واندم على كل الفترة اللي زعلته فيها ارجعي يا أختي دا ربنا رحمته واسعة وأيضا عقابه شديد . يا جماعة معقول نزعل ربنا وإحنا بنحبه ؟ معقول يدينا نعم ونعصيه بيها ؟ معقول يصبر علينا ونتجرأ عليه ؟ معقول يكون شايفنا ونقدر نغضبه ؟ معقول يكون الفاسدين جول واصلوا الليل بالنهار عشان يشيلونا ذنوب نقابل بيها ربنا بقلوب قاسية ووجوه مظلمة ؟ معقول هنقف أمام ربنا العظيم الجبار نقول له أيوة يا رب اتفرجنا على النساء وهن غير متسترات ؟ معقول هتقولي لربنا أيوة كنت نفسي أعمل مع شاب كل اللي بيعلموه لينا في الفيلم ؟ معقول هنقول لربنا كان قدوتنا حد تاني غير النبي صلى الله عليه وسلم والصحابة والصالحين ؟ معقول هنعبر الصراط عشان نشرب من يد النبي صلى الله عليه وسلم فنلاقي بلاوينا اللي عملناها في الدنيا سبب تحرمنا من صحبته صلى الله عليه وسلم ومن شربة من إيده عليه الصلاة والسلام وإحنا اللي كنا بنتمنى نشوفه في الدينا في المنام ؟ هتقدر تبص عليه صلى الله عليه وسلم وإنت شايف ناس كتيييير بتشرب من يده عليه الصلاة والسلام وإنت الملائكة منعتك ؟ يااااااااه تصدق هتبقا ساعتها خسران صح ؟ صح ؟
__________________
ولسه بحلم بيوم شمسه ما تعرف غيوم واطير كطير البراري واعدي بحر الهموم |
|
|
 |
| مواقع النشر (المفضلة) |
| الكلمات الدلالية (Tags) |
| التليفزيون, إيييه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
