الانجازات الرائعة لسيادة الرئيس محمد مرسى

[نورسين]

الشعب ده ظالم ومفترى
الريس له حكمه فى كل حاجه بيعملها لكن الشعب مش فاهم وظالمه.مثلا النور اللى بيقطع كل يوم يخليك تقعد مع اهلك وكمان تعرف قيمة الكهربا وانها نعمه لازم تحمد ربنا عليها .الميه اللى بقت هى كمان بتتقطع ونفضل قاعدين فى الحر معفنين عشان نتعلم هنعيش ازاى لما كل دول افريقيا تبنى سدود ونحمد ربنا على نعمة الميه.اما البنزين والسولار اللى مش موجودين فده خلى الشوارع فاضيه ورايقه وكمان قرب بين الناس فى محطات البنزين وخلاهم يتعرفوا على بعض اكتر وده شىء مهم جدا للتقارب الفكرى بين الشعب.اما اسعار الكل اللى بقت نار فدى مقصوده عشان نخفف الأكل ونقلل الكروش اللى زادت وعامله زحام جامد وكل مواطن ياكل وجبة واحده عشان يوفر .بس الخوف يمنعوا عننا الهوا ولا مش مهم ماهو هوانا ملوث ،اهو لو منعوا الهوا هنموت واحتمال ندخل الجنه نتمتع بنهيمها..لكن اهم حاجه عملها الريس بحكمته انه جمع الشعب على دعاء واحد(منك لله يامرسى).
لك الله يامصر