مناهج مصر - إبليس اتعلم الفضيلة

على باب سفارة كندا لمحت إبليس وفب يده استمارة..قولتله : على فين ؟
قالي : بص يا هجرة يا إعارة أنا كفرت زهقت ..الاقيش معاك سيجارة..أنا انتهيت خلاص لابقيت وسواس ولاخناس ولا ليا عيش وسط الناس..
دي عالم مجرمين..
عندكوا فائض في الفساد..
ومش محتاجين شياطين..
ماليش عيش في البلد ديبقالي سنين عاطل..
وانتو بتعرفوا تقلبوا الحق باطل وتسلكو القاتل ..
وتمشوا في جنازة المقتولومفيش مشاكل..
يا عم أنا بقيت أوسوس بالمقلوب ..
أقول للحرامي انت مكفاية بقى توب..
انتا هاتعمل كل الذنوب لوحدك..
وانا إبليس اشتغل ايه..
واعظ ولا كمسري في أوتوبيس..
ياعم دنا زمان كنت بستنى حد ينسى يسمي وهو بياكل لقمته دلوقتي كل أكلكوا ملوث والواحد بيخاف على صحته..
دا مفيش ضمير أساسا عشان أموته..
كل واحد بمزاجه خربنة ذمته..
يا عم دا كل حاجة اتسرقت..
وكدا الأجيال الجديدة من الحرامية اتظلمت..
يا راجل دنا من كتر ما لطشت معايا..
خرجت في مظاهرة مع الناس اللي بتقول كفاية..
وبرضه مفيــــــــــــــــــش فايدة